Inauterietan tostadak !!!

Inauterietan beti jaten ditugu tostadak, egun hauetan ezin dira falta. Lehiaketa egiten dugu eta batenak frogatzen eta bestearenak dastatzen azkenean guztiak amaitzen dira eta gainera, beti esaten dugu "zein gutxi egin dugun !"

Osagaiak:
Aurreko eguneko 2 ogi handi.
2 litro esne.
10 goilarakada azukre.
2 kanela zotz.
kanela hautsa.
arrautza bi.
Olibazko olioa.

Egiteko era:

Ogiak xerretan ebakitzen ditugu.

Lapiko batean esnea, 8 goilarakada azukre eta kanela zotza ipintzen dugu. Sutan jarri eta gero laurden batean ireikiten usten dugu. Oraindik oso bero dagoenean, esnea ogi xerren gainetik botatzen dugu. Garrantzitsua da ogia ondo bustitzea. Ikusten badugu berehala sikatzen dela gehiago bota behar dugu.

Sartagin batean olioa botatzen dugu. Bero dagoenean, ogia, arrautzatik pasatu eta gero, frijitzen dugu.

Sartaginatik atera bezain laster gainetik azukrea kanela hautsarekin nahastuta botatzen diegu  .

Pazientzia apur bat izan behar dugu, jan baino lehen hotzitu arte itxarotea komeni delako...

Berakatz-zopa

Gauean, batzuetan, ez daukagu hainbeste denbora sukaldatzeko, edo etxera bueltatu gara eta ez dugu izan denborarik ezer erosteko. Etxean daukagunarekin konpondu behar gara. Zopak normalean arin egiten dira, hau adibidez, berehala prestatzen dugu; horretaz gain, normalean, berakatz zopa egiteko behar ditugun osagai guztiak beti dauzkagu etxean...

 OSAGAIAK.

4 berakatz.
Ogi siku zati bat.
Piper txorizero bat edo piperhauts pixka bat.
Tomate saltsa goilarakada bat.
Olioa.
Gatza.
Ura.
Arrautz bi (nahi badugu)


EGITEKO ERA.


Lapiko batean berakatzak eta piperra egosten dira .
Beste aldetik sartagin batean ipintzen da olioa, ogia eta tomatea frijitzeko pixka bat, denbora osoan mugidu behar dugu goilarez bueltak emanez, horrela ez da itsatsiko.

Gero, hau dana, botatzen da lapikora, frogatzen da ea gatza behar duen eta 15 minututan usten da egosten da.Nahi badugu azken momentuan arrautz irabiatuta bat edo bi botatzen ditugu, goilara batez mugitzen, arrautza kolorez aldatzen denean prest dago.
Errezeta hau nire birramamek egiten zuten. Batek ez zion tomaterik botatzen ezta arrautzik ere ez, besteak arrautza, batzuetan bakarrik, botatzen zuen.


Gozatu eta ondo lo egin !!!

Madalenak 3 minutu

Benetan errezeta azkarra eta erreza da. Asko gustatzen zait gazte batek pasatu zidalako. Umeekin egiteko oso aproposa da. Haurrak txikitatik gurekin sukaldean sartzea oso egokia da, pixkanaka sukaldatzeko interesa sortarazten badiegu, nerabezaroan gogoa izango dute beraien bazkaria prestatzeko eta horrek ematen zaien autonomia gozatzeko.

 


Ez ahaztu azaldu behar diegula nola erabiltzen den labea eta dauden arriskuak. Egon zaitezte beti umeekin, sukaldatzen duten bitartean.
OSAGAIAK
4 goilarakada handi irin.
2 goilarakada handi Cola-cao.
3 goilarakada azukre.
Arraultza bat.
3 goilarakada handi esne.
3 goilarakada handi olio.
Txokolate pixka bat zatituta.

EGITEKO ERA
Osagaiak aipatu ditudan ordenean ontzi batean nahasten dira.
Ore hau madalenak egiteko molde berezietan bota, bete barik; eta gero, mikrouhin labean sartu 3 minututan. Guztiak batera sartu behar dira.

Normalean egun berean jango dituzue, baina ez bada horrela, gorde ondo itxita dagoen kutxa batean ez lehortzeko.

Erreza izan da ezta?

Neguko tarta

Orain azalduko dudan errezeta gabonetan edo neguan ospatzen ditugun urtebetetzetan dastatzeko aproposa da.

Errezeta honetan egiten dugun bizkotxoa hainbat tarta ezberdin egiteko balio zaigu. Oinarrizko bizkotxoa bezala erabiliko dugu,  bai osagaiak,  baita egiteko era ere, sinpleak dira. Behin eginez gero, barrukoa gure gustura betetzen dugu; oraingo honetan txokolatea eta pastel-krema ipiniko dugu; baina, udaberriko urtebetetzetan oso gozo eta polita geratzen da marrubiak, mermelada eta gainekoarekin.

OSAGAIAK

Bizkotxoa egiteko (Tarta handia, 10 pertsonentzat):

9 arraultz.

Gogoratuko dugu:  arraultzen kantitatea baino goilarakada bat gehiago irina. Kasu honetan 10 goilarakada irina.

Eta arraultzen kopurua baino goilarakada bat gutxiago azukrea, hau da, 8 goilarakada handi.

Ez da legamiarik behar.

Bizkotxoa bustitzeko jarabea:

Bi edalontzi ur.

Kopa txiki bat koñak.

3 goilarakada azukre.

Barrukoa egiteko:

Esne litro bat.

Maizena edo arrozezko irina.

Bi arraultz.

4 goilarakada azukrea.

Egiteko txokolate tableta bat.

Apaintzeko:

Almendra xigortuak eta birrinduta.

Gurina eta azukrea.

Pastel-mauka.

EGITEKO ERA.

Bizkotxoa.

Lehengo molde borobil bat prestatu behar  dugu, gurina pixka bat emanez eta ogi birrindua gainetik botatzen.

Labea berotzen ipintzen dugu tenperatura altuan, bizkotxoa sartzen dugunean tenperatura  bajatuko dugu.

Arrautzen gorringoak eta zuringoak banatzen ditugu.

Alde batetik, zuringoak irabiatzen ditugu elur puntua hartu arte. 

Beste aldetik,gorringoak beste ontzi batean azukrearekin nahasten dira. Gero irina gehitzen da . Azkenean, dana nahasten dugu , zuringoak (elur puntuan) beste orean botatzen dira.Oraingo honetan goilara batez mugitzen da, kontu handiz, zuringoek ez galtzeko daukaten testura.

Orea moldean sartzen dugu eta jarraian, labera, 200ºtan 25 minututan. Eginda dagoen ala ez jakiteko orratza batez zulatzen dugu, ez bada ezer itsatsita geratzen, horrek esan nahi du eginda dagoela, bestela, pixka bat gehiago utzi behar izango dugu.

Atera bezain pronto moldetik atera behar dugu eta hozten usten dugu ebaki baino lehen.

Jarabea

Lapiko batean ura, koñak eta azukrea botatzen dugu. Sutan ipintzen dugu egosteko, ireikiten dagoenean 15 minuto itxaroten dugu eta gero hozten utziko dugu.

Barrukoa

Pastel-krema prestatzeko lapiko batean esnea eta azukrea berotzen dugu . Katilu batean esne hotz pixka bat botatzen dugu maizena edo arrozezko irina desegiteko. Esnea irakiten denean esne hotza eta irina botatzen dugu ( denbora osoan egurrezko goilara batez irabiatu behar dugu, bestela lapikoan itsatsiko da). Ordu laurden batean egosi eta gero hozten usten dugu.

Txokolatezko tableta zatitzen dugu, lapiko batean esnearekin berotzen dugu (denbora osoan bueltak eman goilara batez), zatiak desegiten direnean  hozten usten dugu, neguan terrazara ateratzea oso idei ona izaten da.

Tarta.

Bizkotxoa  zabaleran bi zatitan ebakitzen da. Jarabea botatzen da zati guztien gainetik. Gero, lehenengo geruzan pastel-krema zabaltzen da, gainean tapa bat ipintzen da eta bigarren geruzan txokolatea ipintzen dugu.

Azkenik hirugarren tapaz estaltzen dugu eta gainetik  txokolatea  zabaltzen dugu, espatula bat erabiltzen dugu dana leun usteko.Apaintzeko, almendra zatitxoak bota ditzakegu edota gurinaz eta azukrez egindako masa batez idatzi ahal dugu "ZORIONAK" (mauka pastelera erabiliz)

Bakarrik geratzen da "Zorionak Zuri" kanta abestea, kandelak amatatzea eta... on egin!!!

Piper beteak

Jaietarako plater gozoa. Bazkaltzera  jende asko  etortzen zaigunean aurreko egunetik prestaturik izan ditzakegu, horrela, egun horretan sukaldaria lasaiago egongo da  eta hobeto pasatuko du. Oso interesgarria izaten da ere, izozkailuan gordetzea, oso ondo geratzen dira, hori bai, desizozteko aurreko gauean hozkailuan ipini behar dira eta goizean giro-tenperaturan utzi.

Osagaiak:

Makailu zati bat (ez da xerra bat izan behar, buzkana edo belarriak balio dute)

Piquillo piper osoak bi lata.

Berakatza buru bat.

Olibazko olioa.

Bi kupula handi

5 goilarakada irin.

Esne litro bat.

Gatza.

Bi arrautza.

Egiteko era argazki hauetan ikusiko duzue:

Piper beteak on PhotoPeach

Bigarrena. "Sagar tarta"

Aurreko sarreran aipaturiko cake eta sagar tarta  amak, bere urtebetetzean, egiten  dituen postreak dira.  Tarta hau errez egiten da, baina denbora gehiago behar dugu prestatzeko.

Alde batetik, kanpoko orea prestatu behar da eta beste aldetik, barruan ipintzen den krema eta gainetik ipintzen den sagar zatiak eta marmelada.

26 zentimetrotako molde biribila desmuntagarri bat behar da.

Bagoaz pausuz pausu:

Kanpoko orea egiteko osagaiak:

Arrautz bat.

50 gr. gurin.

100gr. irin.

50gr. azukre.

½  pakete legamia kimikoa.

Gatz pixka bat.

Orea egiteko era:

Arrautzak irabiatu ondoren azukrea gehitzen dugu, gero gurina ; honek, pixka bat bigun  egon behar du, horretarako hozkailutik kanpoan  utzi behar dugu tarta egiten hasi baino lehen.  Azkenik  irina botatzen dugu. Osagai guztiak oratzen ditugu, orea eskuetan itsasten ez den arte (agian irin pixka bat gehiago bota behar izango dugu). 

Barrukoa egiteko osagaiak:

1/2l. esne.

5 goilarakada azukre.

3 gorringo.

3 goilarakada maizena edo arrozezko irin.

Kanela zotz bat.

Barrukoa egiteko era:

Kikara batean esne hotz pixka bat, hiru gorringo eta azukrea ipintzen dira.

Geratzen den esnea lapiko batean jartzen da kanela eta azukrearekin batera, iraiki baino lehen maizena botatzen da eta goilara batez mugitzen da gelditu gabe. Hotzitzen usten dugu beranduago tarta barruan botatzeko.

Sagarrak zuritu eta xerra finak eginez zatitzen dira, , hauek, lehen egindako kremaren gainean ipiniko ditugu.

Albertxikozko marmelada ur pixka batekin eta azukre pixka batekin nahastuko dugu eta berotuko dugu. Hozten denean sagarraren gainetik ipintzen dugu.

Labea berotu behar da 220 gradutan, tarta sartzen denean tenperatura jaisten dugu eta 20 minututan eginda egongo da. Azkenik ipintzen dugu bakarrik labeko grilla kolore pixka bat har dezala.

Labetik ateratzen dugunean utzi behar dugu hozten, orduan moldearen inguruko aldea kentzen dugu. Ez da komeni hozkailuan sartzea orea biguntzen delako, giro-tenperaturan oso gozo egoten da.

ON EGIN !!!  POSTRE HAU BAZKARI BATEN AMAIERA GOZO-GOZOA DA !!!

Lehenengoa

Zaila egiten zait aukeratzea, baina, burura (edo bihotzera) etorri zaidan lehenengo errezeta hauxe da: " Cake". Nire amaren urtebetzean egon diren guztiek, baita ama ezagutzen duten gehienek ere, aukera izan dute bizkotxo gozo hau dastatzeko, , askotan egin du errezeta hau, erreza da eta guztiei gustatzen zaie.

Errezetan aldaketa baten bat egin daiteke eta emaitza, normalean, beti bikaina  izaten da ; adibidez, osasuntsuagoa izateko asmoz, margarinaren ordez olibazko olioa erabil daiteke. Edo, mahaspasak bota ordez ipini ahal dira intxaurrak edo sagarrak...

Amaren CAKE

Osagaiak:

3 arrautz

150 gr. irina

100 gr. margarina

Korintoko mahaspasa 100 gr.

Legamia kimikoa sobre bat.

Egiteko era:

Labea tenperaturarik altuenean berotzen ipiniko dugu.

Erabiliko dugun moldea (errektangelu formakoa) prestatu behar dugu. Horretarako, molde hau margarina edo olioz buzti ondoren, irina edo ogi birrindua pixka bat gainetik hautseztatzen dugu.

Osagai guztiak biltzen ditugu eta orea prestatzen da:

Margarin mikro-uhin labean desegiten dugu, kontuz!, denbora gutxi ipini behar da.

Ontzi batean arrautzak eta azukrea irabiatzen ditugu, kolorea aldatzen denean (hori argia kolorea hartzen du) margarina deseginda gehitzen dugu. Jarraitzen dugu irabiatzen.

Irina eta legamia plater batean ondo nahastu eta gero, pixkanaka, beste osagaiekin nahasteko ontzian botatzen ditugu .

Irina orean ondo sartuta dagoenean mahaspasak botatzen ditugu eta goilara batez bueltak ematen dizkiogu ondo nahasteko.

Orea moldean sartzen dugu eta labera...

Labeak, hasieran, oso bero egon behar du, laster tenperatura erdira jeisten dugu eta horrela, ordu erdi bat, gutxi gora behera, mantentzen dugu.  Cake eginda dagoenentz jakiteko, labea kontu handiz eta arin zabaltzen dugu, orratza bat bizkotzoari sartzen diogu eta garbi ateratzen badugu labeatik atera ahal izango dugu , baina orea  itsatsita geratzen bazaio, horrek  denbora gehiago utzi behar dugula esan nahi du.

Bizkotzoa labeatik atera bezain laster moldetik atera behar dugu.

Hotzitzen denean, apainduko dugu, horretarako glas azukea gainetik bota dezakegu. Fruta antzigartuen zatiz edota almendrekin ere polita eta goxoa geratzen da.

On egin !!!